Is med smuldrepai

Her er ein deilieg dessert eg laga i forrige veke. Eg fann ei oppskrift på is i dene fine og inspirerande boka. Bytta ut kremfløyte av melk til ein av soya. Og så hadde eg fått oppskrift på ein god pai av mor mi. Dette vart godt ilag.

Semifreddo:
3 ts økologisk vaniljepulver
4 eggeplommer
1 dl bjørkesøt
5 dl soyakremfløyte
4 eggehviter
salt

1) Visp eggeplommer og bjørkesøt i ein stor bolle.
2) I ein annan bolle vispar du fløyten.
3) Visp eggehvite med ei klype salt i ein tredje bolle til den er stiv.
4) No kan du ev. tilsettte cacao nibs, rista nøtter, gojibær eller anna godt i eggeplommene.
5) Hell den piska kremfløyten og eggehviten i eggeplommene. Vend forsiktig i,
6) Hell dette oppi ei lita brødform som du har dekka med plastfolie. Ha nok plastfolie så du også kan dekke toppen.
Frys til isen skal serverast.


Smuldrepai:

Frukt og bær
75 gram økologisk smør
3 dl havregryn
litt kanel, vaniljepulver, kardemomme og ev. litt bjørkesøt

Set ovnen på 180 grader. Fyll ei paiform med epler kutta i båtar, nektariner, bringebær, blåbær... Ta den frukta eller bærene du har i kjøleskap eller frysar. Det skal dekke bunnen. Ha krydderet over. Smelt smøret og bland det med harvegryna. Hell denne blandinga over frukt/bær. Steik i circa 30 minutt